الـبـارحــة مــانــي بــيـــم الـتـعـالـيـل=والهـم مـن كثـر الصـواديـف طـايـل
ماغير أحط مـن الهواجيـس وآشيـل=والـكـبـد يصـلـهـا لـهـيــب الـمـلايــل
ماهيـضـنـي زاهــيــات الـخـلاخـيـل=ولاشـوقـنــي مـاشـطــات الـجــدايــل
أنـهـت .. وافـكـر فـاللـيـال المقابـيـل=وزفـر .. علـى وقـتٍ مريـرٍ ومايـل
وقتٍ يهـوّل راضـع الصـدر تهويـل=ويـكـشّــر بـنـابــه لــولــد الـحـمـايــل
لافـي يـدي حيلـة ولاعـاد بـي حيـل=والضـيـم مـكّـن بالضـلـوع النحـايـل
يـا عــز تـالـي ياهـلـي لأقْـبـل اللـيـل=تِــرزم عـلـي بقـعـاء بـهـم وغـلايــل
يــا ضيـقـةٍ مـثـل الـجـبـال المثـاقـيـل=لـو زال أجــا هـمـي فـلاهـو بـزايـل
اشـوف وتشوفـون قهـر الرجاجـيـل=فـي سوريـا مـا بيـن صايـل وجايـل
شيبانـهـم تـذبـح كـمـا تـذبـخ الـحـيـل=واطفالـهـم تـرمـى بـذيــك الشـعـايـل
نسوانـهـم تكشـفـن يــا هـــل الـخـيـل=وصاحن يبن فزعة عريب السلايل
وشبابهـم تنخـى الـرجـال المشاكـيـل=تبـي السـلاح الـيـوم والعـمـر زايــل
ويــن الـرجـال مزبـنـيـن الهـلاهـيـل=ويـــن الـشـيـوخ مـوبـتـيـن الـفـعـايـل
وين العرب واهل الخليـج الأسابيـل=ويــن القبـايـل مسرجـيـن الأصـايـل
(ويـن الطنـايـا ويــن شـرابـة الهـيـل=ويـن الرجـال الـلـي تشـيـل الثقـايـل)
قــد قـالـه العـونـي بـذيـك المراسـيـل=ينـخـى الـزحـول مضيفـيـن النـزايـل
وأنـــا بـقـولــه لـلـرجــال الـمـداهـيـل=أهــــل الــزنــود مـولـعـيـن الـفـتـايـل
وينـه تميـم المـجـد ويــن الحلاحـيـل=أهـل المفاخـر والسـيـوف الصقـايـل
وينه بني وايـل هـل الرمـح والخيـل=ويـنـه صنـاديـد الـوغـى والصـلايـل
ويـنــه عتـيـبـة لاطـمـيـن المـعـايـيـل=ذبّـاحــة الـحـايــل كــــرام الـسـبـايـل
وينـه مطيـر وحـرب عـدالـة المـيـل=ويـن الـعـزاوي ويــن سـبـع القبـايـل
يـآل العـرب يكـفـي مهـونـة وتذلـيـل=ليـا متـى والـدم فــي حـمـص سـايـل
ليـا مـتـى درعــا عــذاب وغرابـيـل=لـيـا مـتـى ضـيـم الرجاجـيـل طـايـل
ياسوريا صبراً علـى الغبـن والويـل=بمـشـايـة الله حــكــم بــشــار زايــــل
يالله يــا مـنـشـي حـقــوق المخـايـيـل=أجـبـر عـزانــا بالـنـفـوس الـرحـايـل
وصــلاة ربــي عــد وبــل الهمالـيـل=علـى النبـي اعـداد مــا ســال سـايـل