منتديات أعز الناس - عرض مشاركة واحدة - المنفي على كرسي الأعتراف ●•·

09-14-2013, 08:15 AM

اقتباس:

المشاركة الأصلية كتبت بواسطة همس المحبه

أشكر الاخت يارا على عودتها وتنشيط هذا الموضوع الشيق من جديد وأختيار موفق ..

مرحبا بضيفنا ( المنفي ) نورت الكرسي ..

حاسه بيصير أنتقادات كثيره منم علينا هههههههههـ

أول شي بفهم گيف تجتمع صفه العناد والمسالمه مع بعض ^_^

سؤالي .. گيف تعرفت على منتدانا الغالي .؟

المنفي من سكان .........؟

ماطموحك وهدفك بالحياه ؟

لنا عوده معك ياصاحب الأنتقاد الحاد ^_^

مرحبتين اهلين وسهلين , بالنسبة لأول سؤال بخصوص العناد والمسالمة فأنا شخص عنيد بالمعنى الايجابي للكلمة وعشان كدا حطيتها في قائمة الميزات وعلى فكرة معظم الشخصيات الناجحة على مر العصور كانوا يتميزوا بالعناد والإصرار زي مثلا القائد المحنك حنعبل قاهر الامبراطورية الرومانية وكمانا السلطان العظيم محمد الفاتح ومن المعاصرين الرئيس الهندي المهاتما غاندي ورئيس وزراء بريطانيا ونستون تشرشل وما ننسى عبقري شركة أبل الراحل ستيف جوبز وكمانا الملياردير السعودي الوليد بن طلال وغيرهم كتير وكوني مسالم معناه ما احب المشاكل ولا أدور عليها واتجنب الصراعات وكوني عنيد معناه ما اتخلى عن اهدافي وأحلامي بسهولة وممكن اجرب اكتر من طريقة واكتر من محاولة الين احقق الشي اللي ابغاه حتى لو اضطريت احارب الجميع (كأنو قلب هتلر على غفلة ههههه )

گيف تعرفت على منتدانا الغالي .؟
عن طريق دعوة الأخت يارا ليا عبر الفيس بوك

المنفي من سكان .........؟
من من مواليد وسكان مكة المكرمة ولله الحمد

ماطموحك وهدفك بالحياه ؟
دا السؤال اجابتو متشعبة ومتفرعة يعني مثلا طموحاتي العلمية ادرس الين اختم الدراسة هههههه وعشان كدا لمن اي احد يسأنلي قديش باقي عالماستر ؟ اقلهم باقي الدكتوراة بمعنى حتى لو خلصت الماستر المسألة ما انتهت قدامي الدكتوراة الأولى وبعدها التانية ثم التالتة وبعدها الأحباث العلمية إن شاء الله أو تأليف الكتب .
نجي للطموحات المهنية بالنسبالي اتمنى التدريس الجامعي أو العمل الإداري في مؤسسة تقدر الفكر والابداعي والتطوير وبعد كدا تجي مهنة الكتابة.
بالنسبة لطموحات اخرى في حياتي فاتمنى اقتناء والاطلاع على موسوعة "قصة الحضارة" لويل ديورانت لأنو فيها جزئيات مهمة من تاريخ أوروبا يهمني أعرفها بتوسع شوية وكمانا من طموحاتي الحياتية اقتناء منزل ريفي جميل وغير كدا اسافر بعض الدول وازور بعض المتاحف واشياء كتير ما ينفع اقولها عشان لا اطول عليكم .
بانتظار عودتك وشكرا على أسألتك الخفيفة