خسارة ضاعت أحلامي وطارت بعقول أزماني

08-11-2009, 12:51 PM

السـلام عليكم ورحمة الله وبركاته
بدون مقدمات أترككم مع القصيدة
.
.

أبي وردة بغصن اخضر تنسيني مـدى الأحـزان
أبـي اجلـس أنـا ويـاك وأنـسـى حـظـي الجـانـي
تقـول اشتقـت لعيونـك واقـول بشوفـتـك هيـمـان
بقـى ضحكـه مـن شفاتـك واصيـر بعالـم ٍ ثـانـي
خسارة ضاعت أحلامي وطارت بالعقول أزمان
جحدنـي وقتـي الظالـم ونسونـي اكـثـر أخـوانـي
غريبـة عيـدي ميـلادي بـدا مـع مولـد الأحــزان
ألا يــا ليتـنـي دالــه عــن الـتـاريـخ وأزمـانــي
لقيـت إثباتـي الشخصـي قريـت بــأول العـنـوان
(بقايا الحزن) هـو اسمـي صراحـه حيـل بكّانـي
ألا يـا ليتنـي كاهـن واقـول إن الـزمـن غلـطـان
ألا يـا ليتـنـي كـاهـن وأكّــذب كــل مــن جـانـي
خسـارة عشـت فـي دنـيـا دنيـئـه كلـهـا أحــزان
تفرحني وتجرحنـي وأنـا ساكـت علـى أحزانـي
أبي أصرخ أبي اجرح أبي اشكي مـن الحرمـان
وأبي أبكي على عمـر ٍ قضيتـه بـس .. وحدانـي
ظروف الوقت هي ضدي وزّود ظلمها الهجـران
ألا ياوقـت أبـي اعـرف .. ويـن الحـزن ودّانــي
تخاوينا انا والحزن ..أنا المركب وهـو القبطـان
أبـي اطلـع مـن المينـاء .. صعبـه دون قبطـانـي
أنا أصبحت مثل اللـي تـرك حاجـه وهـو ندمـان
رجـع نــادم بيأخـذهـا .. وخـذهـا واحــد ٍ ثـانـي
تخّيـل كسـرة الخـاطـر .. ألا عيـشـة الحـرمـان
كذا حالـي عقـب فرقـاك... ألا ياكيـف تنسانـي؟
أنـا حظـي مثـل حالـي .. مريـض ودايـم تعـبـان
وحـيــد بـديــرة الـغـربـه ألا يــاويــن خــلانــي
أنـا تـوي صغيـر السـن ولكـن شفـت لـي خـلان
أموت من القهر والضيم ومابـه شخـص واسانـي
غريبه عيدي ميلادي نسى إن اسمي بقايا احزان
تركنـي بعالـم ٍ مجهـول ارّدد : ( ليتنـي فـانـي )

اتمنى تروق لذائقتكم
:3d029[1]:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
في عينيك عنوانِي وهمس الحب أحلامي	حروف الغلا	ديكورات	3	04-25-2016 12:26 AM
{{ سألملم أشلائي }}	أبو سامي	من أشعاري	10	06-06-2012 09:12 AM
أحلامي ... ََ أنا قادمة فانتظريني ََ	اكليل الورد	نبضات عامة	5	06-16-2010 02:32 AM
صرت أصب أحلامي الحلوه بـٍكاسي وأكسرهـ . . !	$$ قلبي مملكة $$	من أشعارهم	6	08-08-2009 03:14 AM
ما يحدث طبيعي.. وهذه أسباب خسارة الدوري	Bahraini2008	رياضة وسيارات	2	05-07-2009 08:40 AM