05-08-2009, 02:38 PM | #1 |
.
|
جاني واحد قال بسأل كم سؤال .. وأنا ماني خبير!!!!
جاني واحد قال : بسأل كم سؤال وقبل يسأل قلت : أنا ماني خبير ! قال: جاوب بس , يا ولد الحلال وكل كلمه حِطَّهَا .. بشطرٍ صغير قال نبدي : وش هو تعريف المُحال ..؟ قلت : خَل هالكلمه فـ البيت الأخيـر ..! القهــر : إن شفت دمعـات الرجال و الوطن : ( إنسان ) .. مِتغيِّر كثير و الطفل : لعبه على شاطـي الرمال و الأمل : إحساس في عين الضرير الوفا : [ قلبين ] .. يجمَعهُم حلال و الرَجُل : اللـي علـى أهلـه يغير و الرجا : لا قلت : للواطـي تعال و الفشل : مدري !!.. ولكنـه مرير و الشعر : في وقتنا .. بدر و طلال زي أوَّل حيـل يعجبنـي جرير ..! و الغلا : إحساس إلى حَـد الخيال و العِشِق : لا شفت مَعشُوقِك تطير و الجفا : إعكس مفاهيم / الوصال و الوَصِل : يعنـي تأكَّـد فيك خير و العقل : تِسْفَـه أقاويـل الجهال و الجهل : إن قلت عن نفسك كبير و الخطر : لا صار ما عندك مجال و البلا : إن صرت معدوم الضمير و العجب : لا صرت تسأل منهو قال و التعب : إن كنت تِبْحَثْ عن مصير والغنى : بالنفس ما هو راس مال و الفقر : من كان .. بـ أعماله فقير يكفي يكفي .. أسئله إنهي الجدال ويـ الله علمني عَن .. السِّر الخطير .. .. .. صاحبـي وإن ضاقت بعينك ليال لك فرشت القلب مفروش الحرير في [ بلاد الحلم ] .. ممنوع العقال والمصيبه الشعب ما إختار الأمير وما ألومك .. كان شدِّيت الرحال دام بيتك جرح / وفراشك حصير هذا تعريفي إلى كلمة : مُحَال شيء ودِّك فيه ولا يمكن يصير ..! "منقول"
|
|
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
النيابة العامة : تداول ما يثير النعرات أو العصبيات جريمة معلوماتية | حروف الغلا | مرايا الأحداث | 1 | 06-13-2018 06:16 PM |
أنت ودك .. وآنا ودي ..!! | عمر آلعمر | بقلم آعز النآس | 20 | 06-03-2012 10:29 PM |
واحد كتب خاطرة وجاه واحد فاضي رد عليه ..شوفو ايش كتب | ام سامح | استراحة الأعضاء | 22 | 04-28-2012 11:51 AM |
كل واحد يسال سوال غبي والثاني يجاوب جواب اغبى | زارع البسمة | استراحة الأعضاء | 62 | 03-01-2012 04:06 AM |
حوار سعيد بن جبير مع الحجاج | $$ قلبي مملكة $$ | حكايا | 1 | 08-27-2011 03:42 PM |