فلافل علمتنى اياة جارتى...

اليوم سويت فلافل مع جارتى العزيزة ..
وأول مره أجرب هالطريقة يارب تعيبكم .....

- المقادير -
باجلة مجروشة , دنقو ( حمص ) منقوعين في ماي لمدة 12 ساعة
أنا خليته ليلة كاملة والصباح غيرت الماي بس ولين المغرب سويتها
حزمة شبث , بقدونس , بصل اخضر , 2 فص ثوم , ملح , باكينغ باودر
فلفل أخضر حار , كزبرة مفرومة , 2 ملعقة طحين ..

- الطريقة -
أفرمي كل الخضرة وحطي كل المقادير في الخلاط,, ما عدا
الباكينغ باودر والملح
وعقب حطيها في فرامة اللحم ,, واذا ما عندج دقيها في
منحاز حديد ,, لين تعيزين
عقب حطي ملعقة صغيرة ملح و باكينغ باودر ..

شكل العجينة بعد ما فرمتها تقدرى تفرمية بالفرامة العادية
وانا ماعندى وفرمت من عندها خخخخخخخ

سخني زيت غزير ,, وشلي الفلافل بالملعقة الخاصة بالفلافل ,
وسقطيها في الزيت عالخفيف ,,
عسب ما تحترقين شراتي


















صورت الفلافل بعد ما خلصت القلي قولو:
بسم الله............



فتفت الفلافل في الخبز ,, وحطيت طحينة ودقوس وخس ,
ولفيتها بورق نشاف تبون تحطون اصناف مثل طمام مخلل
اللى تحبون براحتكم ..






طريقة الطحينة: 2 ملعقة طحينة , ليمون , فص ثوم مدقوق
اخلطيها مع بعض لين تصير سائلة مب مرررة لالا خفيف..



شكلها النهائي ...



مممممممممممم إن شاء لله يعيبكم
بالعافية عليكم........
لاتنسون التقييم على تعبي :9080077751521058758