11-21-2017, 12:12 AM | #1 |
| ضيف جديد |
|
لعبوبه
يا شيخ خلّ القصيد و جنّب دروبه قصـايدك بيّن لي وسـْـم شاعرها حن أبـخص إنـّك تبي تصديق الأكذوبه تجيك الأبيات .. موزونه .. و تكسرها لا تشري الشعر من فقران موهوبه دوّر لحاجه مهيب الشعر و إشترها إشتر فرس .. طير .. ناقه .. سيف .. لعبوبه لكن ، لا تشـري من العالم مشاعرها الشيخ إلى لبـْس ثوبً ماهو بـْـثوبه تضحك به الناس .. حتى لو يمـسخرها مافيه داعي تصبّ الشعر بـ عذوبه فـ أذاني الناس ولاّ في محاجرها الشعر ، ما يعفي المذنب من آلتـوبه وإن صـغـّر النفس ولاّ ما يكبرها كم طيبً ما يعــرْف الشعر و اسلوبه وكم ضـايعه شعرها فـ الناس شاهرها و العاشق ، الشعر هو زاده و مشروبه إلى صبر و رفضت نفسه .. وصبـّرها وأنا من الضيق كني داخل إنبوبه تقدر على كتم أحاسيسي ولا أقدرها ساكت ، و ضـايق عقب توديع رعبوبه في كل ليله أرجّعها و أذاكرها قصيدةً فوق سطح الشمس مكتوبه نقّاد الإبداع ما تقدر تفسرها جمالها ، معضلة فكريه ، إعجوبه تزاوج أحلى نسل يعجز يكررها كنـْها من الـ لا وجود فـ الأرض مصبوبه تغار منها الأماكن .. بس تشكرها عند العطورات مكروهه و مسبوبه لأنها تعطّر عطرها .. ما يعطّرها ما أعرست لأنها للغيم مخطوبه لكن .. ولد عمهّا الانسان حاجرها هي تنظر إن الزواج .. أشياء مسلوبه ترجع بقوّة عزوم اللي يدوّرها وهو يشوف الزواج .. أقدار مكتوبه وإن المره عوره ، الرجال يسترها بتروح له .. وسط ضحك الناس مغـصوبه لكن عساه يتجنّب حس خاطرها وإلا المحبّه ، ولوّ إيشقّق جيوبه ما حبّـته لو يدللها و يسحرها تحبني قبل ما تقرب من عيوبه وأموت فيها من أولها إلى آخرها |
|
11-21-2017, 11:47 PM | #3 | |
،
|
احسنت الانتقاء .. انتقاء جميل ورائع .. سلمت يمينك .. |
|
|
11-22-2017, 01:16 PM | #4 |
|
يقول المثل الشعبي : أعطِ الخباز خبزه و لو أكل نصفه لابد من الموهبة و المهارة في كل صنعة و الشعر يتطلب مهارة لغوية و حسية و ابداعية بجانب الموهبة البانية ذا أند / شكرا لانتقائك الجميل |
|
11-23-2017, 11:02 PM | #5 | |
.
|
شكرا لك على الاختيار الجميل
|
|
|
11-27-2017, 04:46 AM | #6 |
| ضيف جديد |
|
|
|
11-27-2017, 04:48 AM | #7 |
| ضيف جديد |
|
|
|
11-27-2017, 04:49 AM | #8 |
| ضيف جديد |
|
|
|
|
|