سجال الشعر والمشاعر

هلا ياالقصيد وكل عين وَعْدها فوق
لقيتك خويّي ساعة الضيق وسنافي
ينوش السما ظلّك.. تلج بثراك عروق
تقوم الهقاوي طولها والمدى ضافي
هلا ياالقصيد اليا انتخى بك رفيع الذوق
تهاما على صدر ابيض الطرس رعّافي

ياهلا بالقصيد الي يجي وافي
منقية ابياته على الحس والذوق
نبع المعاني من منبع صافي
يسقي عروق وتنتشي بها عذوق
ان قريتها تقول ماكتبها الاسنافي
وان سمعتها تسمع مع العزف طاروق

قم شرع الباب للهقوات وازهلني
تبي تزين العلوم ويضحك حجاجك
اما دروبٍ ورى الحروه توصلني
والا عليك السلام وعوّد ادراجك

كل بيبان الهقوات مشرعه مثل بابك
وقد شرعت بيبان القلب ولا حد دخلني
وكم تاهت الهقوات في صفحة كتابك
لاحد(ن) قراني ولا حد (ن) كتبني

يوم حد الغلا قلبي على أقصاه
شرع القلب بيبان المحاني
مارماني ولكن قلبي أدماه
عاد وشلون لامنه رماني ..؟

يا سكون الليل !
بك ناسٍ سهارى
يشتكون الشووق
في وقت السكون
ٰ
والوله ..! مايرحـم
قلـوب' الحيارى
والسّهر مايرحـم
اهداب' العيون ..

نوره طفى من عقب ماكنت مضويه
عقبه خفوقي بات مطفي سراجه

مالي مزااج أحب غيره وأحاكيه
حتى لو أني كنت داخل مزاجه

غلاه مهما كاان ماني بناسيه
ما أنسااه لو غيره ضحك لي حجاجه

همس لي بصوت(ن) ناقل الهرج مايوحيه
بيوم(ن) مبارك جا للاقدام ما جت له
ضحك لي حجاجه وانكشف لي بعض خافيه
هرج لي وكنه يسرق الهرج ويختله
بعد مانشدني ودي اخذ معه واعطيه
نسيت الحديث 00 وقمت احييه وانصت له

همس لي بصوته وانا مصغي(ن) له
كل حرف (ن) يقوله القلب يوحيه
يضحك لي ويسولف وانا كني مدله
هرجه على قلبي بلسم يداويه ويشفيه
يقول عسى مافي هرجي لك ممله
وانا افز من نومي ويضيع الهمس وراعيه

هالقلب طير ٍ يرفرف مابعد حامي
محابل الخوف في صحراي صادنّه
أبنسل الخوف وأشعل جرحي الدامي
أقسم بربي لأوردهن ويرونّه