03-22-2013, 11:43 PM | #62 |
.
|
لاصار زود المال بيديـن الأنـذال
حنا من المعـروف تنـدا يدينـا وإن كان شرهوا على طيب الافعال حنـا وردنـا جمهـا ورتويـنـا وإن فكروا للجود يمشون رحـال حنا قبل يمشـون يمـه مشينـا ولو نجمع اللي فات منا من المال تلقون شيدنـا القصـور وبنينـا نعطي ولا نتبع عطانـا بالأقـوال ونبذل ونسكت كننا مـا عطينـا ولو باعوا الشيمه بدينار وريـال حنـا دخلنـا سوقهـا واشترينـا نصبر على الشدات لو شيلنا مال ولو سـال دم كتوفنـا ماشكينـا النـاس بالأيـام راحـل ونـزال تفجعهـم الأيـام وهـم دالهينـا سبحان ربٍ نزل آيـات الانفـال عالـم سرايـرٍ نيـة الحاقدينـا الامير محمد بن احمد السديري رحمه الله |
|
03-23-2013, 06:58 AM | #63 |
l~ على كف القدر نمشي ~l
|
لا يــاعرب مليــــــت تطـــــاول عذابـــي
مابه أمل لو يوم مــــن همــي ارتـــــــاح غريـق بحر الحزن موجــــــه غــــدابي حتى ليالي العيـد ماذقـــــــت الافــــراح همي وحـــب الزيــــن زاد الشقـــى بي أسهـر وانا المجروح والزيــن مرتــاح نفسي تذوق الويل محـد(ن) درى بـــي ابكي قهر مظلـــوم والســــد منبـــــــاح هم الدهر يـــــــانـاس حطــــم شبـابــــي ليته مع الايـــام عن قلبـــــي يـــــــنزاح للبعد والحرمـــــان حــــظي نوى بـــــي اقضي سنين العمــر في هـــم وجـــــراح الشاعر / عبدالعزيز العفنان |
|
03-31-2013, 05:45 PM | #64 | |
إدارية سابقة
|
لو كنت أنا اللي مضايقك بالخلايق
قلها : ( فمان الله ) و دربك تدله ثامر شبيب :!: |
|
|
04-12-2013, 07:40 PM | #65 | |
إدارية سابقة
|
ياملح كل الليالي ، و السهر والمنام ماعاد ليلي رحيييب ٍ مثّْل ماتخْبره * العنود العبدالله * |
|
|
05-09-2013, 03:53 AM | #67 | |
إدارية سابقة
|
يعافيك ربي
نورت |
|
|
05-09-2013, 11:19 AM | #68 | |
مميز
|
كانها الفرقا .. طلبتك حاجتين
لا تعلمني .. ولا تكذب علي خلني مابين شكي واليقين السكوت رضاي عنك .. وازعلي باكر اللي خافي لازم يبين الوعد بلقى مكانك به خلي وانتظر لي ليلة او ليلتين لين مايقفي السحاب وينجلي ولا طويت الياس بذرف دمعتين للهوى الغالي وابوادع هلي صاحبي باموت من كثر الحنين خلني بختار لحظة مقتلي بدر بن عبد المحسن |
|
|
05-09-2013, 11:25 AM | #69 |
مميز
|
الذهب
يا كثر ما رافقت خلان واحباب ويا كثر ما في شدتي هملوني على كثر ما أعدهم ستر وحجاب على كثر ما احتجتهم واتركوني من صارت الخوه ثمن حفنة تراب نفس الوجيه اللي نصوني... نسوني من غير ذكر فروق، وعروق، وأنساب كانوا ثلاثة ...والثلاثة جفوني علمتهم وشلون الأهداف تنصاب ولما سواعدهم قوت... صوبوني عشاني أصغرهم عمر صاروا أحزاب عشاني اصدقهم قصيد اظلموني اللي نجاح اسمي زرع فيهم أنياب حتى النصيحة ما بغوا ينصحوني دام العطايا عندهم دين وأتعاب والله لو أطلب ذنبهم ما عطوني طالب نصيحة، كني طالب أرقاب وهي نصيحة؟!كيف لو زوجوني؟ كنت أكتب لنفسي مشاريه وعتاب ولا ادري إن اللي قروني... قروني تضاربت من دوني عقول وألباب واجد بغوا غيري... وواجد بغوني أقفل هدب... تسهر على شعري أهداب كني حبست إرقادهم في جفوني لو شفتهم واحد... يشوفوني اسراب من وين مالدوا نظرهم لقوني أثري وجودي بينهم محرق أعصاب ومزعل بعضهم من بعض لو طروني يا كبري بعيني وأنا توني شاب واهم كتاب الشعر حاربوني حتى ولو يهوي على نجمي شهاب يكفيني إن إسمي كبير بعيوني كد قال ابوي: ان هبتهم قول: ما هاب لو يقدرونك قول: ما تقدروني مادام قبري محتضن راس مرقاب على كثر ما تقدرون ادفنوني لو ماني بذيب إنهشت عظمي ذياب لو ما عرفت اثبت وجودي لغوني لو ما سكنت وجيههم مت بغياب لو ما قدرت أمحي ورقهم محوني أصبحت الأصعب لأنهم كانوا اصعاب جننتهم مثل ما جننوني ماجيت أبدبل كبدهم شعر وخطاب لين أدبلوا كبد الذي خلفوني يا ويل وجهي كن للدمع مخلاب ما جف ماه ولا استحى من طعوني كل ما طرالي منظرمريب وأرتاب كان الوحيد اللي يحرك شجوني قبلة صلاة،وذكر، وخشوع، وكتاب وأمي على سجادة النور دوني تدعي لي الله يفتح بوجهي أبواب تتوسله بالشده يكون عوني من كثر ما خفاقها بالدعاء ذاب صارت تحس إن زملاي اكرهوني بشرتها: يمه معي ربع وأصحاب ماني لحالي واجد اللي يبوني من يوم ما حاز قلمي كل الالقاب قلطتهم في دفتري واحفظوني الله وهبنيهم بني عم وأجناب من يوم جيت اعجبتهم واعجبوني واعجابهم فيني ما هو بأيه اعجاب باسلوبي، بشرحي، بطرحي، بلوني لوقلت عن نفسي( بشر)..صرت كذاب لو قلت : ( دمي من ذهب) صدقوني لو بكيفهم كان ازرعوا دربي أعشاب لوبيدهم يتشبهون اشبهوني من كثر ما صاروا من طبوعي اقراب حتى بلبسة شمغهم قلدوني واجد دعوني واغلقوا دوني الباب واكثار ناس أبكي لهم ما بكوني لوطالوا لهدمي مناسيب وأطناب كان وغلاتك من زمان اهدموني مدام حطوا فيني عيوب وسباب جنبت عنهم مثل ماجنبوني أصلا لو أن بخوتي شي ينعاب ذبحت نفسي قبل لايذبحوني أنا يدي لو ماكست متني ثياب نذر ٍ على لقطع يدي من متوني موعيب أجي مدعو ولا أشوف ترحاب العيب لو إني رجعت إن دعوني مادمت اجي ولا يحسبون لى حساب حرمت اروح اذا يبوني يجوني للشاعر حامد الزيد |
|
05-30-2013, 08:56 AM | #70 |
.
|
من روائع بدر بن عبدالمحسن / هذا المسا للحب .. للشوق للمواعيد هذا المسا في القلب .. شمع واغاني وعيد .. وينك حبيبي قبل الشفق مايغيب تدري حبيبي كل الصبر تعذيب مدري سحابه شال ولاشعاعه جيد هب الهوى آمال وهب الهوى تنهيد للحب اللوان السما بعد الغروب زهر البساتين مصابيح الدروب للحب ماتخفي القلوب من الهوى .. وتحكي القلوب وتمر في صدري هبوب .. لو مر طيف يشبهك وأصدق الليل الكذوب .. وإلا أنت محدٍ يشبهك .. وينك حبيبي قبل الشفق مايغيب تدري حبيبي كل الصبر تعذيب مدري سحابه شال ولاشعاعه جيد هب الهوى آمال وهب الهوى تنهيد الشمس غابت المدى جمر ورماد وينك حبيبي ياترى وين الميعاد قبل الامل ماينطفي في ناظري .. يصبح سواد لمحت في العتمه سنا .. وجهك حبيبي ضحكتك واقبلت ياعمري أنا .. شوقك يسابق خطوتك .. وينك حبيبي قبل الشفق مايغيب تدري حبيبي كل الصبر تعذيب مدري سحابه شال ولاشعاعه جيد هب الهوى آمال وهب الهوى تنهيد ~ |
|
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
يا عازفـن عمري على [ نغمة العود ] هذي حياتي غنـّها لي قصايد ! | خجل العذارى | مدونات | 75 | 08-23-2011 06:42 PM |