شاركونا روائع القصائد المصورة

موج البحر بالعواصف هاج == ياكيف نرسي على مينا
لازم -- ندور لنا -- مخراج == لا تغرق --الباخره فينا

خذني من احضان العنا والخوف !
ومن اليبـــاس .. لريع .. هتانـك ،

ابيك لو لحظـــه .. بدون طيـوف ،
تعبت .. اخليني .. على شـانك !

الدرب .. كله ماعليــه .. حســوف
لامنْـه .. وقــّـف دون .. بيـــبانك

رغم انك اكرم من حرمني شوف
مازلت اشوف اني من احزانـك !

لا تجمح ، بصدك وانا : ملهـوف ،
انفث على وسواس .. شيــطانك

مادمت لا عاسف ولا معسوف
لا تعتــذر عن كبـوة حصانــك

بعض الرسايل ماتجي بظروف !
مثل الكلام .. بطارف ، لسانك ،

اهيم واغرق : لو بحـرْك حتـوف !
مابيـــن .. لولــوّك .. ومرجــانك ،

ياشفّي : اللي مابعدْه شفوف ،
ياجرحي اللي حن ، لحـضانك

بعذرْك مثل اول واقول ؛ ظروف
والله .. علـى جـورك وحرمــانك

حتى لو اني ماعزمت حروف !
الشعـر يغريني .. على شانك

علمتني مـعنـى القصيد وشوف
قصيدتي : وصح الله لســانك

يـاطـيــر حـمـلـتـك وصــيـه بـلاحد
تاصـل بهـا اللـي كـل عـرق يتـلـه
تـحـيــة عــطــره مـــن الـخد لـلـخـد
تـسـليمة الــلـــي خـفوقـي مايـمـلـه
مـن عقبـهـا تسليـمـة الــراس والـيـد
تسليـم غالي في غـلا الكـون كلــه
أحفظ غرامه حفظـي لــسابع الجــد
ويـعـرف غـــرامه بالغـلا وش محلــه

ياوليفـي مـن بـعـادك أحـتـرق قلـبـي وجـمـر
ولاقـدر يـحـرق غــلاك ولاقــدر يـصـلاه صـالـي

هبوب الذاكرة ساقت مخاييل التوجّد سوق
و نشّت فوق الأطلال القديمة داخل أعماقي

ياطير تشبه صاحبي في علوه
مايرتضي مسكان دون المراقيب

يا لج قلبي لجت النجر لا لج
لا قامت كفوف النشاما تلجه

عليك ياللي خافقي عنه ما سج
و يقطعك يا فرقاً على غير حجه