~ العيون ~

~ العيون ~

كان بعيونه ملك عزي وذلي

وش تسوي بحالتي باقي الصفات

لا عيون عيون مثل عيون خلي

لا مهاة ولا مع باقي البنات

آتأمل في حلاها ما أملي

وارتجي منها رجاوي وأمنيات

شفت فيها الوصل وآشوف التغلي
شفت فيها الموت وآشوف الحياة

يوم يصفالي واحسه مثل ظلي

ويوم يجفاني ويبعد في سكات

لا لفاني فز له قلبي يهلي

واحتفا به الشوق من كل الجهات

ليت لو ياخذني بالأحضان كلي
مثل ما تحضن ضناها الأمهات

تنبيه:
هذه القصائد تخضع لقانون حقوق الملكية الفكرية ونحذر من
نشرها دون نسبتها للكاتب/ عمر العمر