{{ هذيان }}

افرحــي لو الهنـــاء عمــره قصيـر
وانتشي دام ابتعـــادي هـــو هنــاك
افرحــي واللـي مقــدّر لك يصيــــر
ماتــدوم الحــال في الدنيــا معـــاك
افرحــي واستبشري في كــل خيــر
والبسي ثوب الفرح دامــه زهـــاك
افرحــي خلـي الفـرح بيــدك يطيــر
مع هــواك اللي تجــدد في هـــواك
واحزنــي لاقلـــت انا لك باستخيـر
والا شفتي خطـوتي تمشــي وراك
واحــزني لامـن دعيتـــك بالنظيــر
والا عيني جت في عينك يا مــلاك
واحـــزني لامــن لمحتينـي أغيـــر
أو فـي يومٍ قالوا ابحث عن رضاك
واحـــزني لامن رجعتي في الأخير
واكتشفتــي اني أعانــي من جفـاك

تحيتي وجل تقديري لكم