سجال الشعر والمشاعر

دلوهٍ مايحس بجرح غيره
ولا ينشد عن قلوبٍ كواها
دلوه ومارحم عيني سهيره
تبيّن له دموعي من عناها

إلى جيت أتشده وجهه يديره
يصد في ضحكته موتي وراها
تعال أوقف على عيني سهيره
تشف اللي فراقه من عناها

أضحكي ! لو يمتلي صدرك طعون
وغمضي عيونك وداري غصتك

ماهي نهاية قصتك لو يرحلون
هذي نهاية دورهم في قصتك !

البدر

‎كلميه واسأليه ولا غدا دمعه بحر
‎كفكفي دمعه بيدك دمعه ذا فرح وسرور
‎وادخلي وسطه وشوفي كم زرع لك من شجر
‎وكم حديقه قد صنع لك منتظر منك المرور
‎وانظري باقصى يمينه كم رسم لك من صور
‎وفي يساره لك سرير(ن) جنب دولاب العطور

رجواي فاللي جميع الخلق يرجونه
الواحد المعتلي فوق السما العالي
محدٍ قضا حاجة المحتاج من دونه
ويعلم خفايه وماكنيت في بالي

ياقليل العرف عند الله سعه
والحقيقه مالنا عنها غناه
عارف ٍٍ خافيك لو ماتطلعه
والغلا يازين مافيه اشتباه

هيه ياللي غرّك الليل واغراك النديم ..
هيه يالي هزّك الشوق والمسرى ضياع ..!

وقــّفي بين الخطا والصراط المستقيم ..
والعبي بين التراحيب وكفوف الوداع ..!

وسولفي مثل المشاريه في صوت الحشيم ..!
واسكتي مثل الشفايف لياطاح القناع ..

عطش وشوقي لشوفك يخلف أسناعي
وماهمك إلا بحلو الهرج تقهرني
عيت عيونك لدمعة عيني إتراعي
ماتردع الظلم وإلا منك تنصرني
كني معك في سواليف المساء واعي
حتى بنومي تمنيني وتنهرني

ينام الخلي اللي لاجاه الرقاد ينام
‏ويخطي الرقاد عيون من جاه ماجاني
‏وجودي على فرقى همومي وجود ايتام
‏اذا جر وناته حداهم بكى الثاني..

يامل قلبٍ يفك الهم ويخمه
خمةعجوزٍولدها بين روحيني
قدام تزهق حياته قال يايمه
ثم اصفقت من عظيم الوجد كفيني
طاحت على صدره اللي وقفٍ دمه
ويوم اذهنت جرت الونه بصوتيني