مراسل ملقوف

بسم الله الرحمن الرحيم
السلام عليكم ورحمة الله وبركاته
كيفكم إن شا الله بخير
جبت لكم قصه واقعيه مو من ايميلي من عملي
إن شا الله تعجبكم

فيه واحد مراسل مكتبي جاب لي خطاب من عند المدير
وقال لي انسخه وكنت وقتها ماني فايق وقلت له بس
هذا الي فالح فيه روح دور خطابات ثانيه ..
وقال لي: طيب أوريك( تهديد)
والله ويلف على كل الموظفين ويكوم الخطابات عندي
اكثر من عشر خطابات كل خطاب صفحتين
ويقف على راسي ورجني بسرعه بسرعه وكل ماخلصت
خطاب رجعه لي فيه تعديل وفرحان ومستانس عشان فيه تعديل ومتشقق من الضحك وانا ماني فايق
وقلت طيب والله غير اسوي فيه مقلب
وكان عندي خبر إنه يبي يستأذن من المدير الساعه 11 بس مو قايل للمدير عشان المباره يبي يستأذن
والله ويرجعلي خطاب ثاني فيه تعديل
ويقول لي بسرعه المدير مستعجل يبي الخطاب
ويطالع في ويضحك..
والله وانا اكتب خطاب صيغته التالي:
سعادة المدير ..... الرجاء ضرب وتكفيخ حامل الورقه الملقوف
السلام عليكم ورمة الله وبركاته
ومنعه من الذهاب الساعة 11 لمشاهدة المبارة ونقله الى اي فرع اخر بسرعة عاجله وحرمانه من جميع الإجازات
وتقبلوا فائق الإحترام

مدير ..........
فلان بن فلان الفلاني

والله ويأخذ الخطاب وبسرعه على المديرحتى ماطالع فيه
وهو يقف عنده يستنى المدير يعدل عليه والمدير يطالع
فيه ويضحك ههههههههههه وقاله وش تنتظر
قاله مافيه تعديل ههههههه
والله وشوي والا جايني المدير فاطس من الضحك
ويقولي الله يرجك وش رايك اصدر الخطاب .
هههههههههه
ويوم عرف اني سويت فيه المقلب ويروح وجهه احمر
وصار ماعاد يجيب لي خطابات مره ثانيه
ههههههههههههههههههههههه



بس كان مديرنا زي العسل فاهم الموضوع انه مزح في مزح
وش رايكم مو درس للملقوفين؟