ماكل من يركب على الخيل خيال‏

ما كل من يركب على الخيل خيال





ما كل من يركب على الخيل خيال
ولا كل خيل تعجبك هي أصيـله

ولا كل من يعجبك هرجه برجال
بعض العرب ملسون وأيده بخيله

الكل يلبس ثوب و شماغ وعقال
وعند اللزوم أفعالهم هي قليـله



الرجل تثبت له أقاويل بأفعال
لا قال شئ ونفذه هو دلـيله

والرجل لا شفته مع القيل والقـــال
ابعد عنه هذا صفاته عليلة

والكذب خله عنك ما فاد لو طال
قول الصدق يا صاح غنم وجميـله

وخلك شجاع وذي صفات للإبطال
اللي كما سيوف تبارق سليـله

واللي شراك اشريه لو كان بالمال
خلك معه وان مــــــال دور بديله



واصبر ترى الدنيا تبدل بها أحوال
وما كل شئ صافي تشـــــوفه تجيله

وبعد الكدر تشرب صفا عذب وزلال
هذا الزمن فيه استــــقامه وميله

وصاحب خليل لو جفـا الوقت ما مال
ترى الرجل يعرف بقيمة خليـله



واقفل على سرك بكتمان وأقفال
بعض العرب يسمع و ينوي بحيله

وخلك أمين إذا توليت الأعمال
من خان في يوم الحشر يا حليلة

خل التواضع فيك واضح بالأفعال
ترى الكبر يردي بيوم وليـله

ولا تحسد اللي عنده أموال وعيال
وش ينفعك لو كان حـــسدك يزيله



ولا تزور تقلب الزين بطـال
الله عليم بالنوايا الدخيلة

وخلك رزين ترى المخفه للأطفال
واصفح عن المخـــــطي ولو زاد قيله

واحمل همومك لو تزن وزن آلآثقال
بكره تروح وتنجلي لو ثقيلة



وصل الفروض ولا تنسيك آلآشغال
محدن في الدنيـــــا درى وش بقي له

وزور آلآقارب للرحم كون وصـــــال
وخلك عظيم الشأن وسط القبيلة

وصلاة ربي عد ماهل همـــــــــــــال
على النبي اللي صفاته جليلة



وسلامتكم

شـكــ وبارك الله فيك ـــرا لك ... لك مني أجمل تحية .

واحمل همومك لو تزن وزن آلآثقال
بكره تروح وتنجلي لو ثقيلة

أبيـآت تملكـ من المعآني الجميله ..

سلمتـ يمنـآك ../

العفو الدامعة بصمت.

ومشكوره على التواصل الدائم.

الله يسلمك اغلى البنات.

والاجمل تواجدك وردك المتميز.

وتسلمين على التواصل الدائم.

يعطيك العافية " قلبى مملكة "
على انتقاء تلك الابيات الرائعة..
تحياتى واحترامى..

الله يعافيك ام سامح.

والاروع تواجدك وردك المتميز.

ويعطيك العافية على التواصل الدائم يالغالية.

ومبروك عليكم الشهر.

تسلم يمينك اخوي زيدان على هالكلمات

الله يسلمك عيون المها.

وتسلمين على التواصل الدائم يالغالية.