سجال الشعر والمشاعر

ياقلب وين اللي يحبك ويغليك
وين الحبيب اللي يحن لحنانك
وين الحبيب اللي بقلبه يراعيك
ويخاف لايجرح بنظره جنانك

كابر..قد ماتكابر....انا معك متحمل وصابر
واعرفك اكثر من احساسي تجاهك....وانت خابر

‏رآع الهوى
‏لو يكتم الحب .. مفضوح ,
‏حتى بدون قيود .. ( يبقى آسيرك )

كني قلم يكتب وهو مامعه راي
وسكبت حب أحلامنا في وريدك

كن اسمها عطر القلم والمكاتيب
لامن بدت فيه القصايد شهرها

البارحة طار عصفور وتدلى عنب
النوم عصفور وعنّبّي عتب من مره
كن السهر فاس كسّر من جفوني حطب
وانا على قسوته قلت اكرمه واسهره
الطيب يوخذ غصب والشعر ماينغصب
والعشق لولا القصيد يمو ت وش يظهره

هنا وارحل بلاي ولاأعرف لـ وين​
هِنا وآفتش بـ صدري عن احلامي​

​
ويذبل في دروب الحالمين التين​
وتيبس ضحكتي في وجه أيامي
​
وحيد ومامعاي إلا ثلاث سنين ​
تنام بـ حضن ذاكرتي وأنسامي​

يا إنتي : اللي يشعل الظلما ويتركها تنام
في عين هذا الصبح وهذا الصبح ويطفي من جديد
هو نفس الانسان بدواخلنا : ولكن بانهزام
هو نفس هذا اللي حبس قلبه وظن الصبح قيد
الواقع اضيق من صدور الناس واحلامي خيام
رحبة مثل قلب المحب الدافي العذب الزهيد

دايم أجي فيذا ( المكان ) و أتذكر :
شارع دفن في تربته ضحكة : أطفال
أشياء راحت .. صعب جداً ( تكررّ )
تخنقني العبره .. اذا جتْ على البال

لا بال مرتاح لا فرحه ولا راحه
كم لي سنه وانتظر غيبات سراقي
ارجيه عقب البطا لو طال مرواحه
كانه على هقوتي ماخان ميثاقي
قلبن يذوق الهوى من يكبح اجماحه
خلوه يرتاح دامه بالهوى شاقي