حبيبي لا يبكّيك الفراق [ ولا يهدّ حيلك ..*

~||بسم الله الرحمن الرحيم||~

\

قصيدة : الطــّيف..

حبيبي لايبكيك [الفراق] و لا يهد حيلك
اخاف [الدمع] من عينك يجفف صورتي في بالك

تعال احتاج اسولف لك عن الأيام وأشكي لك
و أفض غيم [الحزن] وأنثر حنين الشوق بقبالك

تجيني طيف يا عمري على جنحان شوقي لك
أخاف أرمش من عيوني وأبعثر صورة وصالك

حبيبي لاتجيني قول ،، وين انت وانا اجي لك
ابيك تقول وين انت و على عيوني انا اسعى لك

وربي فوق روس الشوك لا اخلي القلب يمشي لك
و أخلي ظلالي يسبقني قبل يحضنني منزالك

ثواني بس اباتهندم من عيونك و اباهدي لك
في عينك ضحكتـ(ن) حتى تكحل عين عذالك

يقولوا الناس بغيابي تشب القلب و يضوي لك
حنيني من وهج شوقه يميل القلب لامالك

قضى [دمعي] من عيوني ابي من عينك ابكي لك
ابنثر من ورا عيوني [دموع] عيون ترحالك

و حتى الشوق من صبح الدرايش قام يهديلك
عصافير ترفرف على بيبان مدخالك

هنا ترمي صباح الخير قبل لا تروح و أدعي لك
و هنا تضوي مساء الخير في عيني من هلالك

انا من الليل يقطفني شعوري لك و اغني لك
انا من الصبح يليلني [الحزن] من لون موالك

حرام الليل ماهو ليل اذا ما كنت في ليلك
حرام الصبح ماهو صبح اذا ما كنت بظلالك

تروح وقلت: احط عمري على كفي و اناديي لك
نزعت العمر من شفت الغلا وبالروح نادالك

بربك قول وش سوا [الفراق] بوجه منديلك
تسيل ألوان طيفي فيه الى منّ [البكا] سالك

حبيبي لا يبكيك [الفراق] ولا يهد حيلك
اخاف الدمع من عينك يجفف صورتي في بالك

تعال احتاج اسولف لك عن الأيام وأشكي لك
و أفض غيم [الحزن] وأنثر حنين الشوق بقبالك

تعال وحط في قلبي [هموم] الفرقا واشيلك
لان القلب ماهو قلب اذا في نبضه ماشالك

قضى [دمعي] من عيوني ابي من عينك ابكي لك
اخاف ابكي على [طيفك] وابعثر جية وصالك

للشاعر : سالم سيار

تحيتي / خج ـل العذارى ،،

أبيات جميله ومعبره

يعطيك العافيه ,,, خجل العذارى

يعطيك العافيهـ يا خج ـل العذارى

إنتقاء رائع ..

دمتي بود يا غاليهـ

بربك قول وش سوا [الفراق] بوجه منديلك
تسيل ألوان طيفي فيه الى منّ [البكا] سالك
هذه القصيده من أحلى قصآئدهـ ../
فهو متميز بأختيار قصائدهـ الرآئعه ..
وانتي كذلك متميزهـ بموآضيعك الجميله ..
يعآفيك ربي ..

تســلمين يــالغــلا

تقـبلي مــروري واحــترامي

شـكــ وبارك الله فيك ـــرا لك ... لك مني أجمل تحية .