يابنت

يابنت لو تدرين وش كثر احبك
ماكان غبتي عن نظر عين مغليك
قلبي انا عايش بنبضات قلبك
والشوق يفضحني لياحل طاريك
من لهفتي ابمدحك رحت اسبك
وابي شرح المعنى وتهت بمعانيك
كل الدروب تجيبني صوب دربك
عزي لحالي من سبايب معاليك
غرقت انا باالحب والذنب ذنبك
وللشوق نار بداخلي من تغليك
لاتختبرني دامني دوم قربك
وارتاح لامني رسيت بشواطيك
ياماحلا دنياي لياصرت جنبك
تزهر حياتي في مسامر لياليك
واعيش لذات الغرام بمهبك
لاهب نسناس الهوى من موانيك
ياللي اخذت القلب خذني بربك
خذني معاك وضمني في مرافيك
من وين ماتبغى بشرقك وغربك
كل الجهات اللي بقلبي تناديك