سجال الشعر والمشاعر

بس الإنسان مهما ضاقت أحواله
الصبر زين والأيام بقبالي
وش على الناس لورجلي تعناله
ليه مايشره الغالي على غالي
وإنشد اللي عرف زولك من ظلاله
بينهم بس زولك غير الأزوالي

ياهو الحظ مايل..أوهو الحظ مايل
ما لهالحال عندي غير هالأحتمال
من تفكر بهالعالم يشوف الهوايل
اصدق من الحقايق واغرب من الخيال
ياصبر متن الأرض اللي له سنين شايل
فوق ثقل الجبال نفوس ناسٍ ثقال

لازم اصبر على وجه الزمان العبوس
لين سود الليالي يضحك احجاجها
من بغى يقطع الفرجه يعاف الجلوس
لين ياصل نهايتها ومخراجها
كان شعري قصر ما طال شمس الشموس
تستريح القصايد داخل ادراجها

المقبرة ماهي إلا : حي الأموات
ومساكن الحي : للأحياء مقابر
والمجتمع : وحدة الأفراد الأشتات
متفاوتين المظاهر والمخابر
أعادي الصحبة.....أصحاب العداوات
اقراب وأغراب وضعوف وأكابر

رحت له من غير موعد,وجيت بموعدي!
أستجد الذكريات القديمة واستعيد
اذكر اني كنت اشك ان "موتي مولدي"
وكنت متأكد بلا شك..ان الشك أكيد

دامك فضاء عشقي وغيمات الحنان تبلّني
مجبور أزرع لك بوجداني الوفا وآجمله
قربك يلُمّ الهجر أطرافه بعيد وينحني
غصن اللقاء الوارف وإحساس الغرام يظللّه

هو عادني بلقاه ولا بـــشوفه
ولا مواريد اللقاء منه جفت
هو عاد تسمح بالملاقى ظروفه
ولا على ماقيل الايام قفت

تقفي بنا الايام والرزق مقسوم
ونلقى السعاده في يدين المبدل
يالله بـ حـظٍ مثل تعـديلة النـوم
مـتى مانبغـاه يتعـدل !! تعـدل

ليت المؤرخ يلتفت للبدايات
ويعيد قوله يوم الاقوال صابت
دام البدايه ترتبط بالنهايات
ياعاذلي وشلون الاهداف خابت

تخرسيه الكون لامنك حكيتي
وتجمعي الايام وهيه تنطرح