سجال الشعر والمشاعر

هي ضيقة الصدر وإلاضيقه الخاطر
والله مدري ولكن ضيقه بضيقـه

هي غدت لي في بحور العشق مجداف وسباحه
وهي قصيدة حب عذري بس وين القا بحرها
بعدها من راح مافكرت وش قصة مراحه
كل ما غابت أعد أيام عمري وأنتظرها

المشكله في التغلي ويش اسويبه
دام الغلا جاريٍ في دمي الجاري
ضاريٍ على الوصل عيبي بس هو عيبه
انه على الصد وانواع الهجر ضاري

يوم البشر ما بين بايع وشاري
سوق الشقا ما عاد لي فيه سومات
شريت راحاتي وبعت العزاري
بعت الهوى والحب في خافقي مات

تطبيل زايف من محرر تجاري
وتهويل اعلامي بكل القنوات
ما عاد به صادق ولا به مواري
للصّدق بين الناس ما فيه شيمات

تعبت وما بقى لليل (شعر) ومرّ بي كم ليل
مجرّد من ثياب (الشعر) لا بس ( بدلة التطبيل)

لو بعض ما صابني في سكّتي صابك
كان الكرى مايجي عينك ويدلجها

انا البارحة من يوم غابت الين اذن
تحلوى عيوني للكرى مير ما احتالت
يثوع النعاس من ارمد الجفن يوم تعن
سراميد غيظ با لحشاء حبلها فالت

تفهق الليل الادلم والهوا ساكن
وانا هنا ياسبب همي وتسهيدي
في خايع من نفيض الوسم متماكن
نبته يليق بتمدري نافل الجيدي
متموج بين عشبي واخضر داكن
وامعفر من نسايم جرهد البيدي

ياحارس الليل برد الليل مايدري
عن جمرةٍ بالحشا في موقد اضلاعي
يمر خنجر خفي واحسه بصدري
واصد حكيٍ يجي لاياصل اسماعي