|| عنـــــدي طلب ..!! ركـز طلب مــاهو رجـاء ..||

قبل أبـتـدي عندي طلب ركِّز طلب ماهو " رجـاء " !
ما أبـي تجاوبنـي .. ولا تستغـرب إنـي أســألك


لا تنصدم من عزلتـي حالـي مثـل : أبـو العـلاء
عندي سبب : ما تستحـق إنِّـي أجيـك و أوصلـك


لا تعتبر جمر الحكي من شاعرك يعنـي " هجـاء
لو كنت بهجي حضرتك ما خفت منِّك .. قلت لـك


هذي القصيده مصنِّفه في دفتـري قصـة " رثـاء
حبٍ يمـوت وتنولـد .. وحـبٍ يعيـش ويقتلـك !


ناديت لك ياما .. ولا لبِّيت لـي , وضـاع النـداء
مبحوح صوتي والصدى من كثر مـا ناديـت لـك !


أقرب من ثيابي علـي وأبعـد مـن نجـوم السمـاء
ورغم إبتعادك والتعب ..أرسـم طمـوح وأمهلـك ..


ما كنت لي الداء وأنا ما كنت ل جروحك " دواء " ..
ما عشت في دنياي لي !!عايش ولكن عشت " لك " !



علمتك القلب الوفي .., ما يخذلك فيـه " إنتمـاء " !
وعلمتني كيف العشم في مـن تحبـه .. يخذلـك !!



علمتك إن أصل الهوى يرجع ل كلمـة " إحتـواء "
وعلمتني إن الهوى , مـا عـاش يـوم ب داخلـك !


علمتك إنِّي لك بحر [ مـدَّه وجـزره ] لـك وفـاء !
وعلمتني كيف أنصدم وأغرق أنـا فـي ..ساحلـك !


ما تستحي ,, ودامك كذا ؟ - إفعل حبيبي ما تشـاء !
تــوِّي عرفت إنِّي كثر ما أعْرِفِك .. كنـت أجهلـك !


ما كان قلبي بس لـك وقلبـك لعـب دور الدهـاء !
وما كنت لك أقرب من أنفاسك وأقرب مـن هلـك ؟!


ما عاد تفرق غيبتك أو رجعتك .. عنـدي سـواء !
كنت إهتمامي ورغبتي .., والحيـن دوري أهملـك !


لا صار قلبي لك وطن .. أبسألك ويـن الـولاء ..؟
وشلون حال المملكه ؟ - دام الخيانه من ( ملـك ) !


إن كنت جاهل ..! " لعبتك قلبي " ومـا فيهـا ذكـاء
حتى الطفل إن جبت له [ لعبه ].. - ولاءه صار لك !


قبل أنتهي عندي - أمر ما هو طلب وإلا - رجـاء ..
لا يشغلك ماضي إنتهى .. ركِّز على " مستقبلـك



رآق لي وأتــمنى أن يروق لكم ..

أبيات جميلة ..

تشكري عل انتقاءها لنا يا اغلى البنات ..

ذوق راقي في انتقاء اجمل الابيات..
سلمت اناملك..

أخجلتم تواضعي ..

تسلمون ع مرورك العطـر ..

ماراق لكِ راق لنا لاعدمناك..

رووعه ماطرحتي

تحياتي

تشـرفت بحضورك الجميـل

ما عاد تفرق غيبتك أو رجعتك .. عنـدي سـواء !
كنت إهتمامي ورغبتي .., والحيـن دوري أهملـك !

آبيات جميله ورآئعه..
وماااااراقــ لك رقـــ لي

الأروع مرورك

هـلاآ بكـ

ابيات في غاية الروعه

يعطيك العافيه

شكـراً ع مرورك الذوق ..