مطبخنا الرمضاني4

( المجموعة الرابعة )
.
.



( شوربة الجريش )

"مقادير الوصفة":
1 كوب جريش
250 جرام لحم
1 ملعقة كبيرة زيت
1 حبة كبيرة بصل مبروش
3 فص ثوم مهروس
2 حبة كبيرة طماطم، مفروم
1 ملعقة كبيرة معجون طماطم
4 حبة لومي، مثقوب
2 عود قرفة
5 فص هيل صحيح
5 فص قرنفل
2 ورق شيبة
2 ملعقة صغيرة ملح
1/2 ملعقة صغيرة فلفل اسود

"طريقة التحضير":
1. إغسلي الجريش عدة مرات بالماء البارد
ثم انقعيه في ماء دافئ لمدة ساعة ..
2. في قدر عميق سخني الزيت على نار
متوسطة، أضيفي البصل والثوم، قلبي
ليصبح لون البصل ذهبي فاتح ..
3. أضيفي اللحم، قلبي إلى أن يجف ماؤه
ويتحمر قليلاً ..
4. أضيفي الطماطم، المعجون، الليمون والقرفة ..
5. ضعي الهيل، القرنفل، الشيبة في مصفاة
شبك، ضعيها مع الشوربة ..
6. دعي الشوربة تطهى على نار متوسطة بهدوء
لمدة ساعة أو إلى أن ينضج اللحم والجريش,
أضيفي الملح والفلفل. قدميها مباشرة ..



( كفتة الدجاج بالجبن )

"المقادير":
1 دجاجة كبيرة مسلوقة ومقطعة ..
2 علبة متوسطة جبن شيدر كرافت أو
أي نوع محبب مبشور ..
حزمه بقدونس ..
1 كأس صغير جبن سائل كريمي ..
قليل من الفلفل الأسود ..
قليل من الملح ..
بقسماط + بيض ..

"الطريقة":
نخلط الدجاج المسلوق والمقطع والبقدونس
ونفرمه في الفرامه الكهربائيه ..
نضع الخليط في وعاء آخر ونضيف عليه
الجبن المبشور والسائل والفلفل
الأسود والملح ..
يكور كور صغيرة ونضعه في البيض ثم
البقسماط ..
نغلي الكرات في الزيت الحار والغزير ..
نضعه على ورق ماص للزيت ..
يقدم بجانب أصابع البطاطس والخبز ..
صحتين وعافية ...



( الحمص )

"الطريقة":
حطي الحمص في الخلاط مع شوي ثوم
( تقريباً فص فصين يكفي ) + عصير ليمون
+ طحينه + ملح وفلفل أبيض + كمون +
شوي من مويه الحمص اللي في العلبة ..
شغلي الخلاط إلين يصير ناعم شوي ..
بعدين زيدي زيت زيتون و الخلاط شغال ..
هذي مكونات أي حمص في العالم …
الإضافات عاد إختياريه .. ذوقي الحمص
كل شوي وشوفي وش يحتاج ..
لو لقيتيه ثقيل زيدي شوي مويه، لو
لقيتيه خفيف زيدي حب حمص ..



( شاورما الدجاج .. Chicken Shawarma
 )

" المقادير والطريقة":
تبلي صدور الدجاج قبلها بيوم، بس خليها
صدور كاملة لا تقطعينها ..

كوب زبادي 
..
ملعقتين كبار عصير ليمون ..

4 فصوص ثوم مهروسة ..

1/2 ملعقة صغيرة شطة 
..
ملعقة كبيرة خل 
..
ملعقة كبيرة بصل مفروم 
..
ملح وفلفل 
..
زيت زيتون 
..
جوزة ..

هذي تتبيلة أساسية, بس لو تبين عدلي
عليها على كيفك, وترى الكميات بس
خطوط عامة, يعني غيريها بعد على كيفك .
.
بعد يوم طلعي الصدور من التتبيلة. أنا
أشويها في الفرن،الفرن فيه شواية من
فوق شغليها وخليها تسخن زين ..
بعدين أرفعي صينية الفرن على الرف العلوي ..
شيلي شوي من التتبيلة حقت الدجاج يعني
لا تخلين الدجاج مغطى بالتتبيلة عشان
ما تنحرق بالفرن ..
حطي الصدور في الصينية وعلى الشواية
أطبخيها إلين تستوي وأقلبيها ..
مرة هذي الطريقة تعطي نفس تأثير الشاورما
العادية بفرق بسيط هو إن الدجاج ما يجي
ناشف زي الشورما العادي يجيك رطب ..
الشورما لو لاحظتي دجاج مشوي لا أكثر ترى ..
بعد ما يستوي الدجاج قطعية صغار ..
وخلصنا ...




( ترايفل الليمون )

"المقادير":
كيك ابيض
1جبنة فلادلفيا مقاس 200
2 دريم ويب
2 علبة قشطه
1 بياله سكر
1 جلي ليمون
بشر ليمونه

"الطريقة":
نقص الكيك شرايح ونزيل الأطراف ..
نصفها في الصحن ويكون عميييق ..
نخلط الخلطه البيضاء بالخلاط ..
نصبها على الكيك وندخلها الثلاجة إلى
أن تبرد بحدود الساعة ..
نسوي الجلى بالطريقة العادية بس ننقص
في كمية المويه ..
نصب الجلي بشويش على الطبقة البيضاء ..
ندخلها الثلاجة ونزينها بعد أن تبرد تماماً ..
زينوها بالفواكه اللي عندكم ..