سجال الشعر والمشاعر

هل تذكرين تناجينا على الوتر
أم تذكربن ليالي شاطيء القمر

الماء ينساب فوق الشط في دعة
والكف يا محبوبتي بين الخد والشعر

رفعت كفي والمطالبُ جمّةُ
لكنّ ربي واسعُ ..الرحماتِ .
حارت شفاهي أيّهم أبدا بها
فبدأتُ معتذرًا ....عن الزّلات

تغرب بي قوافل موت اقول العمر تشريقه
أعيش بشبه غيبوبه وأعرف ان الزمن واعي
أكمل لك وجع خوف ووجع فقر ووجع ضيقة
وعلى كيفك ترتبني حلالك بالغلا أوجاعي

ياللي بعيد هنـاك والعايـق زمـا
لو هو على كيفي وصلتك مانثنيـت

المي بيدينـك وانـا ميـت ضمـا
ولو ان غيرك نهر دجلة ما ارتويت

تنثني كنك النايف النبنوب
وانثني وأنشد الصبح وش جابك ؟
تبتسم للنسايم تذوب قلوب
وابتسم وأهدي الورد عنّابك
ضحكتك غيمة وبلها مسكوب
ظللتني نهارين بغيابك

كلامك اجمل من سكوتك اذا طال
اسمعك باحساسي ويضحك خفوقي

شفت المطر ، لابلل وجيه الاطفال
يشبهك .. لا بلل كلامك عرووقي

يامسافر لديرته وقف على بابه
شف باقي الوردتين اللي تحت بيته
زرعتها العام يوم الوصل نحضى به
واسقيتها كل ماجيته ومريته
لايكون ذبلت مثل ماذبلو اصحابه
لي عا من سطوة الهجران ماسقيته
ياويل حالي على شوفه وترحابه
يوم المساء يختصر نفسه ليا جيته
الساعة تمر كل ما ترمش اهدابه
عقارب الوصل من لفته في توقيته
كنت اترجى الثواني ترخي اعصابه
ويزود شوي في وقت تمنيته
عامين وانا معه والناس مرتابه
كلً على هم دنياه وتناهيته
عامين وانا اقول الناس نصابه
يشكون ضيق الحياة اللي تناسيته
وانا معه كنت غير الناس بسبابه
مافيه موال للفرحه ماغنيته
سجيت على باقي العالم في مرقابه
ولا يسمع إلا صدى صوتي لا ناديته
يردد البيت وان جيته تغنى به
جتى لو البيت ماهو زين حبيته
كنت بوجوده معي ابكي غيابه
لو يوم مر في حياتي ما تلاقيته
واليوم ماهو معي حسبي على اقرابه
قضوا على حب من عامين ربيته
وقلطني الحزن واهداني من ثيابه
وقدعت الالام والضيق وتقهويته
ياليتهم يوم قفوبه عن احبابه
قفوا بصوته لجل لاموت لوحيته
حنين صوتك زرع في الصدر مخلابه
يا ليتك اخطيت في رقمي ما دقيته
جالك المسافر وشال الورد بترابه
واحييته بدمع عيني يوم هليته

هنا وهناك علمّني يكونون البشر اجناس
مظاهر بعضهم تخفي جواهر باليه خربه
هنا من مشرق الغربه الين اخر حدود الياس
الين اخر حدود الياس اعيش ايامي بغربه

هجوس . . عليك الله لا نامو السالين
تجاذب مثل ما يجذب الطير ملواحه :(

الا يا هجوسي لامسو الناس لاتاتين
تراني بعد طول العنا ، طالب الراحه ..

هاجس يملا ضلوعي سواليف ومداد
كل ماهز المعاليق..قلت:الله لنا
قال:من طش المجاديف؟قلت:السندباد
قال:منغنى له النجم سامر؟قلت انا