سجال الشعر والمشاعر

يا ساكن الأعماق وجه قصيدتي
خَجِلٌ يحاول أن يصوغ وُدادي
واعدتُ سيل مشاعري بخواطري
فأبت وما وفَّيتُ بالميعاد
عذرًا إذا عجز البيان وخانني
شعري وذاب من الجراح فؤادي
مهما أفضت من المشاعر فالذي
بين الجوانح زاد عن إنشادي

يومك ضحكت وبش باوجانك الدم
قبل الغياب وكلهم حاسدينك

كن النهار اللي رسم للشفق فم
ضحكه ثغرك اللي سماها جبينك

هذا انت ولا من يضم الحشا ضم
هذى يدين البرد والا يدينك

ثلجي نحرك ... أدفي من غفاية الهم
عن خاطر ٍ صحوات همه تدينك

بأعانق احدود الضما والغلا جم
وأبقي معك سيد هواك ورهينك

كـني غـريب بموقـفي يــوم ألاقـيه
لانـي بأنـا مــنه ولا هــو بـمـنـي

بيني وبينه حـاجـزٍ حــرت أنا فــيه
ما أدري تـعـب أمـشـيه ولا تأنـــي

فـكـري تلاشت فـيه أسـهـل معـانيه
حـــتى خــــــيالي يسـرق الـــحـلـم مــــني

يجيني في سكون الليل

يجيني ويل

يجيني مثل نجم سهيل

عيونه تحضن عيوني

وقلبه صاير ٍ لي مهاد

نعم مره

نعم ثنتين

نعم ألفين

نعم مليون

أحبك لو يصير الكون

حسود وعاذل ٍ مجنون

أحبك ليش لاتسأل

أحبك لنّك الأجمل

بعيني يابعد عيني

نعم والله أبي حبك

واحلف إني أنا احبك

ولكن بيننا حاجز وخوف وبرد

وعالم همها دايم تدوس الورد

نعم أبغاك تكون العشق بأوراقي

وابيك الحرف وابيك تكون لي مدادي

أبيك الناس وابيك إحساس

وابيك تكون لي معنى

وابي أحياه واقعنا

يامشغلني وانا توي أعرفك توْ

وانتشى حرفي على المعنى وغرّد
والقوافي ناغمت بيت القصيده
والزمان الّلي مضى للشعر عوّد
من رياض الفكر نستلهم جديده
كلّ غصنٍ مورقِ بالحب ورّد
والشذا عطّر بساتينه وبيده
والهوى المحبوس في صدري تمرّد
وانطلق يشدي كما الطير تغريده
والشعر تاج الفنون اللي تسيد
في مسا ذا الليل يطربني نشيده

هي تبي تعْرف حقيقة طيفه اللي شايفينه
ليشَ ألوانه سراب وليش ساكت مايمل

ليشِ لا صارت رياح العشق تلطم في جبينه
ماتحرك فيهِ شعْرَه وْلا انْكسف منها خجل

وليش حرفي لا نطقته يرتحل مثْلِ السفينه
في بحر من دمع عينِ وحلم شوفه ما اكْتمل

حتى أبيات الغرام اللي صداها سامعينه
فاقده إحساس شاعر صارت مجرد جمل

‏ليه اضيق وليه ألوم وليه اغار
‏ليه احط الذنب بالحظ الردي
‏من خسرني ماخسر الا الوقار
‏ومن كسبني طاب حظه ي بعدي..

ياوطن روحي أماااانه كفكفي هذا الندى
واعذريني والله إن الوضع ماهو في يدي
كل شيّ ممكن إني أرفضه لجلك .. عَدا.
. [شايبي] لامن زهمني قلت: "أبشر يابعدي"
انتي أكثر من عرفني ماهو من طبعي الردى
وآنا اعرْفك طووول عمرك ماتحبين الردي

يا كفيف القلب ما فادك بصر
العمى بالقلب .. ماهو بالعيون

نرعى رفيق البرق في ساقة الغيم
ومن يستبيح حدودنا ما نبيحه