سجال الشعر والمشاعر

هذا الكلام جروح وأوجاع وأشواك
كني على طول السكوت مغصوبي

ازعلت ذولا لجل يرضون ذولاك
لا مرضيٍ نفسي ولاهم رضوا بي

يرضيك أقابل هـ البحر وأرمي من الضيقه صخور ؟
وأذكر سوالفنا ب وَلَه وش قلتلك وش قلتِلي
في غيبتك حالي تَعَب وصرت ما أحب الظهور
ما غير أتمتم في نِدَم : يا وَيْلَ لي يا وَيْلَ لي

ياللي تعاتب غموضي لاتوضحني
ما باقي في الخفوق الا تناهيته

أصافح الهم قبل انه يصافحني
واحب خشمه واردد في الخفى ليته

هذا انا جيتك وجبت من المشاعر كل ما يكفي لجل يكسي سما ليلي معاك

اسرفي ما دام نفسك تهتوي شوفي وشوفي من بدايات المحبه يهتوي نفس الشعور

ريحيني من غموض المفردات
وكبرياء الكذب والعذر الهزيل

وحاصريني صمت من كل الجهات
واذبحيني بوح في نبرة عليل

لا تزيد الجرح ماقصر زماني
شايلٍ بالقلب أحزان السنين
لاتزيد الجرح مافيني كفاني
لا تصير اليوم مع وقتي معين

ناديتك وصوتي من الشوق غامر
ابدعت فـ استفزاز قلبي وما فيه ،

مره ( نعم ) مره ( هلا ) مره ( آمر )
وش أنت خاسر بس لو قلت : لبيه

همس لي بصوت(ن) ناقل الهرج مايوحيه
بيوم(ن) مبارك جا للاقدام ما جت له
ضحك لي حجاجه وانكشف لي بعض خافيه
هرج لي وكنه يسرق الهرج ويختله
بعد مانشدني ودي اخذ معه واعطيه
نسيت الحديث 00 وقمت احييه وانصت له
وقال انت وينك 00 قلت يا سيدي لبيه
ولبيه كلمه غاليه 00 بس هانت له

هاك الجـروح وهاك معها المعاذير
آسف ترا كنت أحسب إني أهمك

لا تذكر اللي فات و أشوفك بخير
ولا تحسب إني في غيابـك أذمـك!

كذاب ، قايل كل مطرود ملحوق
سنين وأنا أطردك وأزريت لوصلك
كنك تطيش وكني أدور في طوق
كل ما وصلت أخرك يطلع لي أولك