سجال الشعر والمشاعر

قدمت ماقدمت لكنك أنكرت
حتى الغلا مايوم جا فيه طاري
أقدرّك بس أنت مايوم قدرّت
رفعت قدرك فوق حتى مداري
يعني كذا وبلا سبايب تجبرّت
يعني كذا تبيع من كان شاري

يتعبني التفكير ياصاحبي واحتـار
ولكثرة الأعـذار ماشـوف تبرير

تزاحمت بي من تصرفك الافكار
في نظرتك هجر ومـوده وتقدير

ردي علي الصوت .. ردي حياتي
صمتك على شكوى حنيني .. مذله
اما اقطعي حبل الوصل بالنجاتي
والا عطيني باقي الود .. كله

هون على قلبك ترى آلوضع عآدي
آنآ من طعون آلليآلي ، تعلمت

آنـي آكـؤن بوجـه آلايـآم ، هـآدي
حتى لو آني من غيآبه ، تآلمت

تنازل عن بعض شخصيتك.. حاول تعيش حمار
تعلّم كيف تقرا..؟ وان تألمت.. اكتب ..الحاره :
تمر سنين .. والجار يتعدى مايمر الجار
يموت بناخي اللي مات.. وبناخيه مازاره

هذا الزمن ماهو مثل كل الازمان
يدور فينا عكس منطق فصوله
الشي وضده .. راحو بصورة اقران
والمذهل انّا.. مانحس بذهوله !؟
صار الردى يرجح ورى كل ميزان
والطيب وزنه مايجي ربع " توله "
الناس صارت لاقرب الناس عدوان
والمشتكي منهم / عليه اشتكوا له
يا ( مال ) شق الجيب لاصار له شان
وخلاك " رمزٍ " من رموز البطوله
يتبعك مقفي ويتذكرك نسيان
ويقبلك رافض لين ترفض قبوله

هذاك يفرح لا لمس جرح الاحساس
وهذا مناهي لا لقى فيك عله
تعيش بالوجدان ما عاش هالراس
لولاك قل لي ويش انا عايشن له؟
ان زانت الايام يا شوق لا باس
ولا صبرنا لين ربك يحله

هذي حدود الصّبْر ، هذا جَهَدنا
ماعاد توجـع صفقة الإيد بالإيد

فاتت مواعيد السّعَد ماسعدنا!
تعيش وتاكل يالعمر حسرة العيد

أحياء ...لكن بالدواخل جمدنا
والياس يقطع من حشانا عناقيد

من رحم حبٍ للحياة انولدنا
الله واكبر من ملانا تجاعيد..!

دنياك هذي كلها هَزِّ قاروق
ما تعرف الصاحب من اللي معاديك
واكثر كلام الناس بالمكر والبوق
يهرج معك واليا تِقَفَّيت يرميك
المال دايم صاحبه مرتفع فوق
والقل خايب لو تَرَفَّعْت يرْخِيك

كلام صادق ما هُو بمسروق
وابيات يا قلبي بِناَهَا يسَلِّيك
من هاجسٍ يطمي كما بحر صافوق
احذر على القلب الشقي يوم يِطْريِك
يا رَبِّ تجعلني من النار معتوق
واجعل ختامي طيباً يوم الاقيك