حــزيــن وخــاطــري مــكــســور ...~~~

تخليني كذا وحدي حزين وخاطري مكسور!
أنـاديلك, وأنـاديلك ,ولافكـرت تسمعني

أبد ماجا على بالي تعاملني بدون شعور!
تحسب إني على كيفك تبعثرني وتجمعني؟

إذا إنك صدق ماتقدر..وكنت بهاالجفا مجبور!
أمـــانه.. لا تعــودني وصـــالك.. ثم تقطعــنــي؟



صحيح..الا معي جمله..تلف بخاطري وتدور!
وربي ودي أنطــــقها.. وقلبي مايطـــاوعني؟



وعشان ارتاح بتكلم بلا أحــم ولادســتور!
تجي سمـحه, تجـي عوجــا , على الله يامولعـني؟



أذا حصلت لك غيري وصرت بدنيتك محشور!
تبي الفرقى , ولا ودك, تواجهني وتوجعني؟



دخيل الله..دخيل الحب..دخيلك اكشف المستور!
وقول ابعد عن دروبي..ولا هو شرط تقنعني؟



وانا باوعدك مايبقى بظلامك من شعاعي نور!
ابرحــل عن سمــاك ولا أبي حتى تودعنــي؟



وبكتب فوق قلبي"مات هالطيب وهو مغدور"!
وســاعتها كــنوزالأرض والله ماترجعنـــي؟



أنا مابي حياتي ذل..ولابي عيشتي مقهور!
ولا لي غير عزة نفس..وقت الجد تنفعني ؟


ويكفيني رضا ربي علي من الخطا والزور!
ويكفـــيني غلا ناس برمش العين ترفعني ؟

يعطيك العافية


كلمات آكثر من رائعة



دائم الكل يبدع في اللون الحزين



إختيار موفق يحسب لك


دمتي بكل ود