معكرونة الفتوشيني او الالفريدو الايطاليه..

السلام عليكم ورحمة الله وبركآته..


من زمآآآآآن مانزلت مواضيع هنآ

فقلت انزل اكله إيطاليه والكل طبعاً يعرفها ويحبها

وهيالفيتوشيني ~

مآصورت الخطوآآت بس صورت الطبق آخر شي


نبدا بالمقآدير:

فيتوشيني

بصله(يفضل مفرومه فرم ناعم)

صدور دجآج مقطعه شرايح صغيره

مشروم

كريمة خفق

جبن سائل

زبده

ذره(حسب الرغبه)

فلفل رومي الوان(حسب الرغبه)

ماجي-ملح-فلفل اسود-بهارات شووووي-اوريقانو

الطريقه:

نغلي ماء ونحط معكرونة الفيتوشيني مع شوي زيت وماجي ابيض

على ماتنضج المعكرونه ناخذ قدر ونحط فيه زبده شوي ونحط البصل والماجي ليمن يتحمر البصل

بعدها نحط الدجاج والمشروم ونخلي الدجاج ينجح ونقلبه بعدها نحط كريمة الخفق والجبن على

حسب الطعم اللي تبينه انتي تحبين الصلصه ثقيله اوخفيفه بكيفك..بعدها حطي البهارات

والماجي والفلفل الأسود رشششه بس وحطي الفلفل الرومي والذره..

وقلبيهم ليمن تحسين الصلصه ثخنت ..بهالوقت تكون المعكرونه خلصت صفيها من الماء وحطيها

معها وقلبيها ليمن تحسين تمازجت الصلصه مع المعكرونه وحطيها بصحن التقديم ورشي فوقها

اوريقانو وجبن مبشور وبالعافيه


وهذا الشكل النهآئي..الله الله بالتقييم اذا عجبتكم

واللي يبي يذوقها من غير تعب يروح لمقهى بيتزرايا بمجمع الراشد بالخبر


واللي تبي تتقلب تسبده ياكلها من بيتزا هت ..